普捷天奴：我嘅職責係保護美斯

足球博彩神器，每日重心提供盡在《彩報》：http://win.on.cc/football/　

美斯降臨巴黎聖日耳門後，令法甲成為歐洲焦點之一，早前美斯被主帥普捷天奴換出，當時美斯「嬲爆爆」相當矚目，近日普帥接受訪問，有機會向大家講講佢嘅角色，佢坦言：「我嘅任務係保護美斯，令美斯開心踢波。」

普捷天奴表示：「我嘅工作係令美斯保持良好狀態，遠離傷患，近日佢左膝受傷，隊醫每日為佢檢查，希望佢盡快復原，因為呢件事係最重要嘅。」

對於早前換走美斯，搞到佢嬲嬲呢件事，普帥回應：「呢件事好正常，美斯係世界最佳球員，圍繞佢發生嘅事都係新聞，但我嘅職責係保護美斯，佢對球隊同國家隊都咁重要，我哋都想佢盡快復原，保持快樂，有入波同好表現，然後再為球隊實現目標。」