巴西徵召8英超兵 再掀停賽恐慌

20210925
東網電視
更多新聞短片
最強博彩盤路過關神器《串績王》:http://win.on.cc/football/ 
英超球會拒絕放走旗下球員去「紅色警示」地區踢國際賽,今個月初就引起大風波,巴西等多個南美洲國家要求將「未歸隊」球員停賽,雖然最後一刻禁令被推翻,不過10月國際賽期已經逼近,巴西周六(25日)公布大軍名單,8名喺英超效力嘅球員入選,勢必再掀球會vs國家隊嘅鬥爭。
由於英國政府規定,所有由「紅色警示」地區返國人士要喺酒店隔離10日,英超球會就決定唔放球員歸隊,巴西今月初世盃外就未有英超球員助陣,不過球隊公布10月份3場世盃外名單,艾利臣比加、法賓奴泰華利斯、加比爾捷西斯、艾達臣摩拉斯、費特洛迪古斯、堤亞高施華、拉芬夏比洛尼同艾馬遜共8個英超兵入選。
有2名巴西兵入選嘅曼城,領隊哥迪奧拿就話:「我哋以球員入選國家隊為榮,但依家世界被疫情影響,我唔知佢哋最後踢唔踢到,足球壇有規例要遵守,希望英格蘭足總、政府同巴西足總可以坐低傾下,搵到合適嘅解決方法。」