美斯傷愈復操　可出戰歐聯鬥曼城

最強博彩盤路過關神器《串績王》：http://win.on.cc/football/　

阿根廷球王美斯喺早前法甲巴黎聖日耳門(PSG)對里昂，不幸整傷膝部，並缺席上場聯賽對梅斯，佢近日經過治療後，已經無大礙，可以跟隨大隊操練，預料可於下周三(29日)凌晨歐聯分組賽復出，為PSG上陣主場迎戰曼城。

法國《隊報》指美斯傷勢康復進度良好，可以進行正常操練，但教練普捷天奴唔想冒險，預料周日(26日)凌晨法甲巴黎聖日耳門主場對蒙彼利埃，仍然會收起美斯，等下周三(29日)凌晨歐聯再派呢位34歲射手出戰曼城。

普捷天奴喺對蒙彼利埃嘅賽前記者會上亦提到美斯：「美斯已經復操，希望一切順利，當然想佢上陣對曼城，但仍然要小心觀察佢嘅傷勢情況。」美斯今季由巴塞隆拿轉投PSG之後，表現欠佳，上陣3次仍然未取得入球。