點解般奴射？蘇斯克查：賽前已決定

最強博彩盤路過關神器《串績王》：http://win.on.cc/football/　

曼聯主場又輸波，同上場英聯盃唔同，今場係英超，曼聯出齊車馬炮之下敗陣，特別係臨完場博到12碼射失，大家都有疑惑，點解係般奴費南迪斯操刀，而唔係畀C朗射？賽後蘇斯克查咁樣答。

蘇帥：「先唔好講嗰球12碼，佢今日有啲唔好彩，其實佢過去嘅12碼命中率都好高，至於操刀人選問題，賽前已經決定咗，佢承受得住，會繼續向前。」

有統計顥示，般奴嘅12碼命率高過C朗，加盟曼聯後22個12碼射入21球，命中率95.5%，至於C朗生涯167次主射12碼，有139球命中，命中率83.2%，而且般奴之前對維拉攻入3球，全部都係12碼，所以安排佢主射。

不過有網友認為，當時落後1球，呢個12碼係最後一擊，呢啲時候梗係C朗最穩陣，咩命中率都係嘥氣。亦有網友戲稱，般奴個波射咗上太空，跌咗落佢後花園度。