阿仙奴1月賣拿卡錫迪　換西甲神鋒

足球博彩神器，每日重心提供盡在《彩報》：http://win.on.cc/football/　

阿仙奴今個夏天進行大換血，年輕化路線令一眾舊將被清走，法國前鋒拿卡錫迪亦成為下個清洗目標，同球會只剩唔夠1年合約嘅佢，據報明年1月轉會窗將被平價賣走，甚至會用嚟做收購西維爾前鋒安尼斯利嘅籌碼。

30歲嘅拿卡錫迪今季頭5輪英超只係後備上陣過1次，明顯已經唔受重用，阿仙奴為免季尾約滿人財兩失，將於明年1月以少於1,000萬鎊價錢將佢賣走，據報拿卡錫迪母會里昂對佢都好有興趣。不過，西班牙報章《Estadio Deportivo》就指，西維爾亦希望簽入呢位前鋒。

由於阿仙奴對西維爾嘅摩洛哥前鋒安尼斯利極有興趣，所以有機會達成交換協議，如果阿仙奴將拿卡錫迪賣畀西維爾，佢哋亦會降低對安尼斯利6,800萬鎊嘅叫價。安尼斯利上季喺西甲攻入18球，喺歐聯亦有6個入波，表現突出。