迪姆華拿官司揭秘　利物浦收購失敗之謎

最強博彩盤路過關神器《串績王》：http://win.on.cc/football/　

車路士前鋒迪姆華拿上年加盟車路士前，一直被傳係利物浦囊中之物，但交易最終都被拉倒，利物浦亦改簽迪亞高祖達代替。近日迪姆華拿新、舊經理人打官司，其中一項證物就係whatsapp對話，當中更揭露利物浦當時收購迪姆華拿嘅過程，令謎團得以解開。

據德國《明鏡周刊》消息，whatsapp對話顯示利物浦喺2019年已經出手，領隊高普更同迪姆華拿秘密會面，開出約19萬鎊周薪及2,000萬鎊獎金合約，不過迪姆華拿就拒絕加盟，反而同拜仁慕尼黑簽初步合約，後來得知拜仁高層同教練對佢並唔係特別欣賞，所以就提出解除合約。

1年之後利物浦仍對迪姆華拿有興趣，但最終受到疫情影響而改變計劃，迪姆華拿最終加盟車路士，呢位德國前鋒今年6月受訪，就話自己係做出「正確選擇」。