因為一件事　格連活特被魔迷圍攻

最強博彩盤路過關神器《串績王》：http://win.on.cc/football/　

曼聯喺英超0比1不敵阿士東維拉，除咗般奴費南迪斯射失12碼孭鑊之外，另一位進攻球員格連活特亦成為「箭靶」，被曼聯球迷圍攻，指佢太獨食，浪費入球機會，更直斥呢位19歲新星又唔係C朗，憑乜可以唔傳波。

格連活特今季頭3場英超都有波入，原本表現唔錯，但近期腳風唔順，近3場聯賽都食白果，可能佢太急於重拾射門鞋，今場頻頻自己起腳，但效果強差人意。

賽後大量曼聯球迷喺格連活特嘅社交網留言批評佢，有球迷話：「傳波畀C朗，球隊先至會再贏。」亦有人話：「望下隊友啦，求下你。」更加有人爆粗：「你咁自私，傳波呀，你又唔係C朗，所以一定要傳波。」

最諷刺係曼聯領隊蘇斯克查仍然堅持畀格連活特踢足全場，難怪曼聯球迷咁火滾。