亨利陪「未來老細」觀戰　兵工廠快易主？

最強博彩盤路過關神器《串績王》：http://win.on.cc/football/　

阿仙奴喺「北倫敦打吡」主場以3比1擊敗熱刺，觀眾席上出現2位大人物，就係球隊名宿亨利及瑞典互聯網大亨埃克，兩人坐埋一齊密斟，英國傳媒推測埃克仍然未死心，可能再次提出收購阿仙奴。

瑞典音樂網站Spotify創辦人兼行政總裁埃克一直都係「廠迷」，佢曾於今年4月喺社交網揚言，願意入主阿仙奴，英國傳媒指佢打算斥資20億鎊收購阿仙奴，並邀請3位阿仙奴經典名宿柏金、韋拉、亨利加盟，擔任球會管理層，其後阿仙奴班主高安基稱無意賣盤，令事件不了了之。

不過，亨利同埃克今次一齊入場睇「北倫敦打吡」，再次令人猜測佢哋仍然未放棄入主兵工廠。亨利早前亦公開表示埃克係死忠阿仙奴球迷，希望為球隊注入「兵工廠傳統DNA」，重建昔日王朝。

值得一提，奧巴美揚今場入波之後，做出亨利招牌慶祝動作，似乎好歡迎佢重返阿仙奴。