UEFA放棄控告「皇巴祖」 歐超聯翻生?

20210928
東網電視
更多新聞短片
最強博彩盤路過關神器《串績王》:http://win.on.cc/football/ 
歐洲12間豪門今年4月宣布成立歐超聯,雖然計劃2日內閃電崩潰,9間球會喺龐大反對聲音下先後退出,不過皇家馬德里、巴塞隆拿同祖雲達斯仍然「企硬」,歐洲足協周二(28日)更宣布放棄對剩低嘅3間球會提出起訴,令人擔心歐超聯將來有機會死灰復燃。
西班牙法庭早前裁定,歐洲足協冇權處分及強逼球會解散歐超聯,歐洲足協周二發出聲明回應,表明已取消對皇家馬德里、巴塞隆拿同祖雲達斯3支仍未退出嘅球會提出訴訟,聲明更形容依家情況「就好似訴訟從未發生」,另外對9支退出球會嘅罰款處分亦被暫緩。
歐超聯贏番一仗後,歐洲足協發言人警告,指皇家馬德里、巴塞隆拿同祖雲達斯堅持唔退出歐超聯,令佢哋仍然成為歐洲足球營運模式嘅一大威脅。