利物浦剋死波圖　熱捧客勝

足球博彩神器，每日重心提供盡在《彩報》：http://win.on.cc/football/　

今晚歐聯「死亡B組」次輪，近況大勇嘅利物浦作客波圖。「紅軍」喺多位傷兵回歸後重拾霸氣，首輪歐聯收起主力下亦順利贏波，可見領隊高普對球隊實力極具信心，而且近年歐聯面對波圖全面佔優，格食格下有力連勝鞏固出線優勢，一於熱捧客勝。（Now 644周三凌晨3時直播）

利物浦分組賽首仗面對AC米蘭，收起沙迪奧文尼及堤亞高艾簡達拿等主力，照樣贏3比2全取3分。佢哋今季喺中堅華基爾雲迪積克復出後，防守力大增，射手穆罕默德沙拿亦士哥頻頻，超強狀態難以抵擋，球隊近5仗場場都入3粒，火力全開可以攻代守。

波圖首仗作客悶和馬體會0比0，搶得1分算係唔錯，但全場未有任何中目標攻門，表現唔太理想。波圖雖然近年都可以出線淘汰賽，但對住「紅軍」每每無計可施。翻查往績，利物浦近5次歐聯對波圖，有4勝1和壓倒性優勢，當中兩次作客葡萄牙更大勝5比0及4比1，今場客勝相當穩陣。