基艾沙10秒閃擊得手　車路士連輸2場

最強博彩盤路過關神器《串績王》：http://win.on.cc/football/　

歐聯盟主車路士再遇挫折，繼英超不敵曼城之後，周四(30日)凌晨歐聯H組作客祖雲達斯再輸0比1，領隊杜曹賽後指球隊出現疲態，形容下半場開波10秒鐘嘅失球係「冇可能發生」。

車路士今場繼續由盧卡古掛帥，但面對祖雲達斯嘅邦路斯凍結冇啖好食，雖然客隊控球時間同射門數字都佔優，但係命中目標嘅攻門只有3次。處於被動嘅祖雲達斯，下半場開波10秒鐘成功偷雞，費達歷高基艾沙接應貝拿迪斯治妙傳第一時間抽入，領先後再堅守至完場，喺H組2戰全勝排榜首。

由杜曹領軍嘅車路士罕見2連敗，呢位德國教頭賽後表示：「我哋好失望，作客祖雲達斯肯定難踢，所以唔可以有任何犯錯，我覺得球員今日身、心都出現疲態，所有決定都好慢，下半場幾秒就失波，喺呢個水平賽事係唔可能發生嘅事情。」