英格蘭公布名單　A米中堅頂替馬古尼

20211001
  • 東網電視
    更多新聞短片
    最強博彩盤路過關神器《串績王》：http://win.on.cc/football/　
    英格蘭國家隊主帥修夫基公布新一期大軍名單，曼聯中堅哈利馬古尼有傷在身，無緣入選，修夫基重召AC米蘭中堅湯姆利頂替佢嘅位置。曼聯2位進攻球隊連格、查頓辛祖都有入選，但格連活特被棄用。
    「三獅兵團」受到傷兵問題困擾，除咗哈利馬古尼、阿歷山大阿諾特因傷落選之外，即使有份入選嘅勞基梳爾、列斯占士、美臣蒙特近期都受傷患困擾，屆時能否上陣亦成疑問。
    修夫基表示，對於部份國腳嘅狀態，感到不滿，特別係查頓辛祖今季表現未如理想，一度考慮棄用佢，令呢位21歲翼鋒嘅國家隊前途亮起紅燈。
    今次名單上出現一張比較陌生嘅面孔，就係湯姆利，呢位23歲中堅被車路士出售去AC米蘭之後，有不俗表現，終於再獲修夫基徵召，佢之前只曾為英格蘭上陣1次，而且已經係2年前嘅事。
    英格蘭將於10月10日及13日凌晨出戰2場世界盃外圍賽，分別對安道爾及匈牙利。