阿仙奴血戰和白禮頓　中堅斷牙　沙卡受傷

足球博彩神器，每日重心提供盡在《彩報》：http://win.on.cc/football/　

近期狀態復甦嘅阿仙奴，周日(3日)凌晨英超作客白禮頓，喺滂沱大雨下苦戰悶和0比0，成功執番1分，不過英格蘭國腳布卡約沙卡下半場受傷離場，嚟緊為英格蘭出戰世盃外上陣成疑；巴西中堅加比爾馬加希斯亦奮戰撞斷牙，相當慘情。

阿仙奴挾聯賽3連勝走勢，今場對住開季大勇嘅白禮頓明顯處於下風，奧巴美揚上半場曾經頭槌頂中柱，但之後都係白禮頓天下，好在以門將蘭斯達爾及一對中堅賓韋特、加比爾馬加希斯都有好表現，成功抵禦白禮頓進攻，最後兩隊踢成0比0平手。

阿仙奴自9月國際賽後，4場聯賽拎到3勝1和成績，領隊阿迪達嘅帥位壓力稍稍舒緩，可惜布卡約沙卡今仗勇戰受傷，未知會唔會影響佢代表英格蘭出戰世盃外。至於加比爾馬加希斯今場亦奮戰下，喺一次攻門嗰陣撞斷牙齒，完場後要一個返入草地搵番雙斷牙。