雲尼亞里重返英超　入主屈福特

最強博彩盤路過關神器《串績王》：http://win.on.cc/football/　

曾3度執教英超球隊嘅69歲意大利名帥雲尼亞里，周一（4日）畀傳媒影到乘車駛入屈福特訓練場，落實佢將接掌屈福特帥印嘅傳聞，會方已辭退僅執教10個月嘅主帥悉斯高，將由雲帥接手。

雲尼亞里執教超過30年，足迹遍佈大半個歐洲，佢上季教畢森多利亞後離任，一直待業，今次接受屈福特邀請，係佢第4度執教英超球隊，之前3隊分別係車路士、李斯特城及富咸，最威水時刻當然係2015至16球季帶領李斯特城捧走英超冠軍。

屈福特英超開季7戰得2勝1和4負排15位，有好大上升空間，雲尼亞里在國際賽檔期大約一個多星期畀佢準備，上任首仗就係10月16日主場迎戰利物浦。