信心一票！曼聯同蘇斯克查助手續約

最強博彩盤路過關神器《串績王》：http://win.on.cc/football/　

英國《每日郵報》報道，曼聯近日同蘇斯克查助教費倫續約至2024年，呢位59歲前球員曾經服務「紅魔鬼」多年，喺2018年底獲蘇斯克查邀請回巢，今次曼聯同費倫續約嘅行動，被視為球會對蘇斯克查仍然信任嘅舉動。

曼聯近期成績低落，蘇斯克查嘅帥位備受壓力，不過球會高層對呢位挪威教頭仍然投以信任一票，蘇斯克查助教費倫嘅合約原本明年到期，今次續約至2024年，同蘇斯克查上年所簽新約年期一樣。如果曼聯高層有計劃換帥，絕對唔會同蘇斯克查嘅教練團續約，否則換帥嗰陣又要賠錢炒人，明顯係多此一舉。

球員時代踢過曼聯5季(1989至1994)嘅費倫，曾經做過費格遜助教，但莫耶斯上任後就離開球隊，直到蘇斯克查喺2018年底上任，先再邀請費倫返嚟幫手，一直都係蘇斯克查嘅心腹。