苦無上陣機會　阿仙奴天才或離隊

最強博彩盤路過關神器《串績王》：http://win.on.cc/football/　

阿仙奴表現回勇，近5場比賽取得4勝1和，理應值得高興，但陣中有1位球員笑唔出，就係前鋒加比爾馬天尼利，呢位20歲巴西新星曾經係隊內最天才橫溢球員，但今季英超僅上陣2次，合共踢咗148分鐘，英國《鏡報》指加比爾馬天尼利不甘於再坐冷板，打算明年1月轉會市場重開之後離隊。

加比爾馬天尼利過去2季為兵工廠各項賽事上陣48次，射入12球，表現令人驚喜，但期間因傷缺陣一段長時間，加上另外2位新星伊美路維、布卡約沙卡崛起，令加比爾馬天尼斯上陣機會愈來愈少。

領隊阿迪達指加比爾馬天尼利不獲重用，主因係佢狀態欠佳：「加比爾馬天尼利好想上陣，但太心急，對事情發展並冇好處，佢需要好好處理自己嘅情緒，唔好有自負、憤怒嘅心態。」

不過，加比爾馬天尼利似乎並冇接受阿迪達嘅意見，唔打算等到2024年合約屆滿先至離隊，佢希望最起碼以外借方式，提早轉投其他球會，爭取上陣機會。