紐卡素做「曼聯B隊」?傳1月斟4大後備

2021年10月11日 17:00
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
紐卡素獲沙特阿拉伯財團入主後,銳意成為「新巴黎聖日耳門」,近日關於佢哋買人嘅傳聞瘋湧出現,英國《每日鏡報》就爆料,指紐卡素準備1月先喺英超掃貨,希望用「即食兵」提升球隊成績,目標直指曼聯4位後備連格、安東尼馬迪爾、雲迪碧克同艾歷拜利。
連格嘅級數上季喺韋斯咸已得到印證,佢同曼聯只係得番唔夠1年合約,無疑係提升戰鬥力嘅最佳選擇;法國前鋒安東尼馬迪爾同荷蘭中場雲迪碧克都係國腳級球星,不過2人明顯唔喺蘇斯克查計劃之內,一早有傳2人會喺1月尋求轉會,紐卡素出手成事機會唔細。至於艾歷拜利喺曼聯同樣冇運行,佢只係球會嘅第4號中堅,蘇斯克查多數會同意放人。