阿仙奴重召舊部　邀張伯倫回巢

足球博彩神器，每日重心提供盡在《彩報》：http://win.on.cc/football/　

阿仙奴近期成績反彈，會方有意季中增兵加強陣容，佢哋收購目標係曾在「兵工廠」效力6年嘅老臣子阿歷士張伯倫，以加強中場兵力。

由於格列沙加重傷長抖，湯馬士柏迪同艾利尼明年初要應付非洲盃，中場兵源不足，所以諗到搵番張伯倫回巢。張伯倫2017年過檔利物浦後，一度受傷長抖整個球季，之後幫紅軍贏得英超冠軍，不過今季失去正選位置，上陣排序仲愈跌愈後，今季僅上陣5次，淪為邊緣人。

英國傳媒報道，阿仙奴準備出手重召張伯倫歸隊，佢喺英超征戰多年，但依家只係28歲，利物浦出居迪斯鍾斯都唔出佢，實在好大嘥，佢曾於2011至2017效力阿仙奴，如果重返母會將獲重用，呢一點相信可以打動佢。