夏蘭特爭奪戰無聲展開 曼聯有冇機?

2021年10月11日 21:03
東網電視
更多新聞短片
(Getty Images)
最強博彩盤路過關神器《串績王》:http://win.on.cc/football/ 
今夏美斯C朗齊齊轉會,轟動全球,至於出年夏天嘅轉會焦點,將會係挪威神鋒艾寧夏蘭特,近日歐洲傳媒開始炒熱佢嘅轉會消息,2019年曾經接近簽約嘅曼聯,已將夏蘭特列為目標。
《曼徹斯特晚報》報道,曼聯領隊蘇斯克查與球會總監已達成一致意見,將「魔人布歐」列作收購目標。蘇帥2017年執教莫迪時期曾提拔夏蘭特上一隊,並於2019年親赴奧地利,與夏蘭特前球會薩爾斯堡斟介,不過當時年僅19歲嘅夏蘭特最終決定選擇多蒙特,而兩師徒至今仍保持聯絡。
夏蘭特當日與多蒙特簽定嘅離隊協議,將於明夏啟動,只要有球會支付7500萬歐元轉會費,多蒙特就必須放人,在超級經理人拉奧拿操作下,佢同所有歐洲頂級豪門都斟過晒,巴黎聖日耳門、皇家馬德里、曼城、車路士、拜仁慕尼黑,甚至紐卡素,畀夏蘭特任揀。
夏蘭特亦提出自己要求,就係必須成為球隊核心,有好球員配合,餵波畀佢射,呢個要求上述各隊都可達標,曼聯擁有C朗、般奴費南迪斯、拉舒福特、格連活特,仲有佢舊隊友查頓辛祖,相信可做到夏蘭特要求。