傳紐卡素本周炒布魯士　原因係咁樣

最強博彩盤路過關神器《串績王》：http://win.on.cc/football/　

沙特財團入主紐卡素後，領隊布魯士自知冇得留低，但冇估到竟然咁快！英國多間傳媒報道，紐卡素將於本周內解僱布魯士，理由係布魯士喺度會破壞球會嘅歡樂氣氛，踢走佢就舒服晒。

其實布魯士有晒心理準備，開季7戰3和4負排尾2，成績咁差都未炒係因為會方要求低，護到級就過骨，但今時唔同往日，紐卡素依家仲有錢過曼城，冇理由仲留呢位贏唔到波嘅主帥喺度，當然係即派大信封。

布魯士執教生涯共9間球會，累積999場，本來下場係佢1000場里程碑，但相信無法喺紐卡素實現，報道指布魯士將會獲得800萬鎊賠償金，而紐卡素下仗改由助教格雷鍾斯領軍，並會開始物色新帥，首選係前多蒙特教練法夫爾，干地、馬天尼斯都係候選人。