阿古路、迪比利復操　拯救朗奴高文

足球博彩神器，每日重心提供盡在《彩報》：http://win.on.cc/football/　

巴塞隆拿今季成績差勁，教練朗奴高文帥位岌岌可危，雖然近6場賽事只有1勝2和3負成績，但呢位荷蘭教頭似乎可以安全過度呢次國際賽期。大難不死唔知係咪會有後福，巴塞隆拿近日獲阿古路、奧士文尼迪比利2大前鋒傷愈復操，有機會成為朗奴高文救星。

自從失去美斯之後，巴塞隆拿嘅攻擊力就大打折扣，季初尚且靠迪比「單天保至尊」，但戰術被洞悉後就無以為繼，因受傷而未喺今季上陣嘅阿古路同奧士文尼迪比利，周一(11日)正式回歸訓練場進行操練，可以話係及時雨。

阿古路今夏加盟後，立即因右腳肌肉受傷缺陣10個星期，據西班牙《每日體育報》消息，如果2人未來幾日操練進度理想，下周一(18日)凌晨主場對華倫西亞嘅西甲大戰，有望候命上陣。