走出艾歷臣陰霾 丹麥8連勝「完美」出線!

20211013
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
繼東道主卡塔爾同率先出線嘅德國之後,「北歐童話」丹麥成為明年世盃決賽周第3支參賽球隊!丹麥周三(13日)凌晨喺世盃外歐洲區F組,主場出擊以1比0擊敗奧地利,分組賽8戰全勝提早鎖定出線資格。4個月前呢一日(6月13日)就係基斯甸艾歷臣喺球場上暈倒日子,今次出線證明丹麥已經完全走出陰霾。
丹麥喺歐國盃4強出局後5戰全勝,今場面對奧地利憑住米希利下半場一箭定江山,拎到提前出線嘅重要3分。丹麥分組賽8戰全勝,唔單止係歐洲區唯一一支全勝球隊,8場入27球而未失1球,亦係唯一0失球球隊,雖然F組球隊平均實力較弱,但丹麥嘅超班表現仍令人眼前一亮。
今次係丹麥史上第6次躋身世盃決賽周,佢哋上屆世盃喺16強出局,而歷來最好成績係1998年打入8強。丹麥隊長卡積亞賽後表示:「丹麥建立咗一支精神強大嘅團隊,我哋可以走好長嘅路,事實上我哋已經走得好遠,出線決賽周只會令我哋更有野心。」