烏拉圭失正選　普耶：卡雲尼盡快離開曼聯！

足球博彩神器，每日重心提供盡在《彩報》：http://win.on.cc/football/　

烏拉圭前鋒卡雲尼多年來都係國家隊主力，亦係烏拉圭史上第2入波多球員，不過球隊今個月2場世盃外對哥倫比亞同阿根廷，卡雲尼都只係後備上陣，烏拉圭亦連續2場「食白果」。喺曼聯淪為大後備嘅卡雲尼，狀態下滑連累埋國家隊，烏拉圭名將普耶就公開呼籲卡雲尼盡快轉會。

曾經踢過車路士、熱刺嘅烏拉圭名將普耶表示：「卡雲尼好黑仔，C朗加盟後已霸佔正前鋒位置。我私下唔識卡雲尼，但如果我係佢，見到自己依家嘅處境，見到自己因為喺曼聯做後備，搞到連國家隊正選都冇埋，或者我會喺1月盡快離開曼聯。」

卡雲尼今季英超只係踢過1場正選，另外有2次後備入替，加埋只係踢過103分鐘，計埋盃賽都只係踢多15分鐘，34歲嘅卡雲尼繼續虛度足球生涯最後光陰都唔係辦法。