71歲雲格出山教表演賽　網民叫佢教紐卡素

足球博彩神器，每日重心提供盡在《彩報》：http://win.on.cc/football/　

雲爺爺出山？堅定流呀？球迷絕對要留意，71歲嘅雲格會再執教鞭，但係教表演賽，包括日前馬賽傳奇隊對聯合國明星隊，擔任聯合國明星隊主帥，以及明年1月帶領沙特明星聯隊對住有美斯、尼馬等助陣嘅法甲霸主巴黎聖日耳門。

消息出咗後，更有球迷講笑話:「等沙特邀請搵雲格執教紐卡素。」皆因近期沙特財團收購了紐卡素。

講番雲格自從三年前離開執教長達22年嘅兵工廠後，一直都冇再執教職業球會，但仍然活躍唔少公開活動，目前喺國際足協做嘢，主要推世界盃嘅改革，計劃改為每兩年一次。

至於雲格參與領軍嘅表演賽係Riyadh season活動嘅一個部份，今個月就開始，一直到明年3月，而11月份巴塞會去沙特踢一場，以紀念馬納當拿。