利物浦大災難！6位主力缺陣周末英超

足球博彩神器，每日重心提供盡在《彩報》：http://win.on.cc/football/　

利物浦大鑊了，6位主力分別受到傷患及國際賽行程問題影響，將會缺周六(16日)晚英超作客屈福特，殘陣出擊之下，隨時會失分。

國際賽展開之前，利物浦已經有右閘阿歷山大阿諾特、中場堤亞高艾簡達拿、哈維艾利洛養傷，至於前鋒迪亞高祖達為葡萄牙備戰世界盃外圍賽期間受傷。

另外，門將艾利臣比加、中場法賓奴因為要喺香港時間周五(15日)早上為巴西踢世界盃外圍賽對烏拉圭，一定趕唔切歸隊踢星期六(16日)晚英超，意味紅軍屆時會缺少呢6位球員，今次真係考起領隊高普排兵布陣。

值得一提，利物浦曾於2020年3月英超作客0比3大敗於屈福特腳下，紅軍球迷都咪話唔驚。