慘中「FIFA病毒」　皇馬中堅或無緣鬥巴塞

最強博彩盤路過關神器《串績王》：http://win.on.cc/football/　

皇馬中堅艾達米列達奧日前為巴西出戰世界盃外圍賽對哥倫比亞，不幸受傷退出火線，唔止會缺陣周五(15日)早上世界盃外圍賽對烏拉圭，仲可能無緣10月24日晚西甲「國家打吡」作客巴塞隆拿。

據悉，艾達米列達奧右腳肌肉受傷，可能需要抖1至2星期，下周中歐聯皇馬作客薩克達，基本上唔使預佢，最大鑊係好可能缺陣鬥巴塞隆拿。如果艾達米列達奧屆時唔踢得，教練安察洛堤應該會用拿祖費南迪斯同阿拉巴扼守中路。

至於巴塞隆拿亦有中堅朗奴阿拿奧祖日前為烏拉圭踢世界盃外圍賽對阿根廷，不幸受傷，同樣可能對皇馬，兩隊成為今次國際賽大輸家。