34歲拿斯尼掛靴之謎解開:體重失控

20211014
東網電視
更多新聞短片
最強博彩盤路過關神器《串績王》:http://win.on.cc/football/ 
法國「87黃金一代」賓施馬早前協助國家隊捧歐國聯冠軍,但佢昔日法國青年軍隊友拿斯尼上月已經宣布結束球員生涯,呢位34歲前阿仙奴中場近日亮相1場慈善賽,球迷終於知道佢點解咁早掛靴,原來拿斯尼身形已經肥腫難分,似足當年「大哨」朗拿度。
今場慈善賽由馬賽傳奇隊對聯合國明星隊,杜奧巴、古華特、查斯古特、皮利斯等退役名宿都有參加,43歲嘅杜奧巴身形仲好弗,更上演帽子戲法,協助馬賽傳奇隊大勝7比4。
反觀,34歲拿斯尼已經肥到似個波,唔好話踢職業賽事,甚至連踢衞生波,都驚佢身體頂唔順。
拿斯尼曾經效力馬賽、阿仙奴、曼城、西維爾等球隊,並協助曼城奪得2次英超冠軍。佢同賓施馬、賓艾化等1987年出世嘅球員,喺2004年協助法國奪得U17歐國盃冠軍,被稱為法國「87黃金一代」。
當年決賽,拿斯尼仲入咗1球,以2比1擊敗西班牙U17,佢搞到現時景況,實在令人唏噓。