紐卡素冬季26億增兵　第1簽竟然係佢？

最強博彩盤路過關神器《串績王》：http://win.on.cc/football/　

紐卡素早前被沙特阿拉伯主權基金收購之後，已經磨拳擦掌，準備明年1月冬季轉會市場重開後大肆增兵，據悉球會預算用2.5億鎊(約26億港元)買人，第1簽好可能係AC米蘭中場基斯爾。

24歲嘅基斯爾技術全面，攻守兼備，上季意甲上陣37場入13球，呢位科特迪瓦國腳將於明夏約滿，但至今仍然未續約，似乎想等明夏以自由身走人。AC米蘭為免人財兩失，可能明年1月出售佢。

雖然紐卡素可以等到明夏，免轉會費簽入基斯爾，但由於已經有多支球隊睇中基斯爾，紐卡素希望先下手為強，加上球會依家大把錢，根本唔需要慳，更何況基斯爾只剩下大半年合約，AC米蘭亦難以叫高價，相信2,000萬歐元已經有交易。