菁英盃　鞠盈智貢獻1射1傳：喺度踢得舒服

周四（14日）「菁英盃」賽事，冠忠南區以3比2贏香港U23。是役球隊雖然贏得驚險，但絕不能抹殺交出1入球1助攻的鞠盈智的努力，然而「阿智」似乎對球隊表現不甚滿意。

「我滿意自己嘅表現，但更關心球隊嘅表現。對住班後生仔，領先3球之下畀人追番2球，後尾仲差啲畀人逼和，對於南區呢隊波嚟講，係唔應該出現呢個問題。」他賽後指出球隊今場的不足，並解釋可能是因為球隊下半場有部分時間鬆懈，導致未能零封對手。

不過無可否認的是，南區近來經常將「阿智」放置在中路位置，由他策動攻勢，無疑是釋放了這名34歲中場的創造力：「列文要我踢防中定攻中都好，都希望我用多啲波，好似『嘉緯』（標準流浪中場林嘉緯）咁帶動球隊。以前南區淨係打快，依家想用番多啲波，我認為南區球員係做得到，只係需要時間建立。」