曼城將同科頓續約6年　原來佢現時人工咁低

最強博彩盤路過關神器《串績王》：http://win.on.cc/football/　

英國《太陽報》爆料，指曼城即將同21歲中場新星菲爾科頓續約6年至2027年，綁實呢位球隊未來骨幹人物。菲爾科頓屬於曼城「低薪一族」，現時僅有3萬鎊周薪，預料佢續約之後，人工會增加數倍。

據悉，曼城代表已經同菲爾科頓達成協議，相信短期之內，就會正式宣布續約。領隊哥迪奧拿一向非常器重菲爾科頓，早前更加表示，就算有球會出5億鎊轉會費，都唔會出售呢位英格蘭國腳。菲爾科頓亦話自細已經係曼城球迷，唔想為其他球隊效力。

菲爾科頓上季為曼城各項賽事上陣50次，射入16球，佢今季季初受傷患困擾，幸好已經冇大礙，早前英超對利物浦，更加射入1球。