尼馬大戰阿蘇卡雲尼 巴西捉圭吼半場大

2021年10月14日 20:00
東網電視
更多新聞短片
最強博彩盤路過關神器《串績王》:http://win.on.cc/football/ 
周五(15日)早上世盃外南美洲區重頭戲,巴西主場硬撼烏拉圭。榜首巴西上仗悶和令世盃外連勝斷纜,王牌尼馬表現備受抨擊,今仗勢必還以顏色,烏拉圭亦要搶分保前4,預計卡雲尼會復任正選拍住蘇亞雷斯,唔會坐以待斃,加上近年碰頭大家都入局快,1.5球半場大有分頭值博。(周五早上8時30分開賽)
今屆頭9輪世盃外贏晒嘅巴西,上輪作客哥倫比亞互交白卷,終止連勝強勢,雖然無損佢哋榜首位置,但王牌尼馬表現奇差,集中力不足,頻頻被對手搶截成功而搞到進攻斷纜,賽後更同哥倫比亞中堅耶利文拿發生口角,加上與巴西傳媒關係愈來愈差,備受批評。
不過尼馬日前在紀錄片披露,下年世盃可能係佢最後一次為巴西出戰大賽,而且佢唔衰得嘅個性,梗係盡快為巴西取得世盃入場券,會用行動證明自己。查實巴西在今屆世盃外所入嘅22球,尼馬就有份參與當中11球(6球及5次助攻),配合加比爾捷西斯及加比爾巴保沙,攻力有保證。
另一邊廂,烏拉圭上輪面對有美斯助陣嘅阿根廷慘吞3蛋,依家排緊第4位,不過只領先第5位嘅哥倫比亞1分,如果想保住前4嘅直入世盃決賽周席位,不容再失。
烏拉圭出齊阿蘇卡雲尼
由於喺曼聯長居後備,令卡雲尼上仗對阿根廷失落正選,但今仗咁關鍵,呢位射手預計會擔正,夥拍蘇亞雷斯攻堅。兩軍每次碰頭例入局快,近4次正面交鋒,有3次上半場開2球或以上,可見大家都非常搶韁,1.5球嘅半場大有逾3倍咁好分,有買趁早。