連格決心明夏走人 兩大豪門爭住簽佢

2021年10月14日 21:01
東網電視
更多新聞短片
(Getty Images)
最強博彩盤路過關神器《串績王》:http://win.on.cc/football/ 
英國《每日郵報》指曼聯中場連格早前拒絕會方開出嘅新合約之後,明顯已經下決心等明夏約滿以自由身離隊,AC米蘭及巴塞隆拿都有意簽入呢位28歲英格蘭國腳。
連格上季被外借去韋斯咸期間有出色表現,今季返回曼聯亦不時有建樹,包括英超對紐卡素及韋斯咸,都取得入球。不過,曼聯主帥蘇斯克查始終唔係太信任連格,僅於英聯盃對韋斯咸,畀佢踢正選,其餘比賽最多只係後備上陣,令連格非常冇癮。
由於連格希望入選英格蘭國家隊,參加明年11月舉行嘅世界盃決賽周,所以想轉會,爭取上陣機會,AC米蘭及巴塞隆拿都有興趣簽佢。
近年唔少曼聯球員去意甲搵食,都有出色表現,加上AC米蘭中場位置競爭唔激烈,應該可以吸引到連格。
至於巴塞陷入財困,難以支付轉會費收購球員,今夏主要簽入自由身球員,包括迪比、阿古路,所以睇中明夏自由身嘅連格。