C朗新廣告玩變臉　化身功夫之王夠過癮

足球博彩神器，每日重心提供盡在《彩報》：http://win.on.cc/football/　

C朗拿度重返曼聯後人氣再度爆升，日前佢同華倫西亞班主林榮福合作推出足球程式ZujuGP，C朗更親自上陣拍攝廣告宣傳。呢位葡萄牙球星喺廣告入面化身型仔劍客，大玩中國功夫之餘仲連變臉都玩埋，畀球迷全新體驗。

呢個足球程式主打亞洲市場，廣告亦勁似中國武俠片，雨夜中「劍客」C朗喺城樓上大戰一眾守衛，佢一邊變臉打邊打人，期間施展踩箭輕功，又用「頂頭槌」撞人，最後以招牌慶祝動作「Sii」震傷所有守衛，相當有型。

C朗周四(14日)喺IG公開呢段廣告後，1日就有超過700萬次觀看，大部份人都喺留言大讚好睇、刺激、有型，如果C朗將來退休想進軍電影圈，可能有機會向動作演出路線發展。