熱刺2位球員確診新冠肺炎　孫興民疑似中招

最強博彩盤路過關神器《串績王》：http://win.on.cc/football/　

英國《太陽報》報道，指熱刺有2位球員確診新冠肺炎，雖然會方冇公布確診人士姓名，但當地傳媒指2位中招球員係前鋒孫興民、拜恩基爾。

熱刺領隊紐奴喺賽前記者會上話：「國際賽之後，總會遇上一啲大問題，但我唔會喺賽前講。」英國傳媒就瘋傳孫興民、拜仁基爾確診新冠肺炎，「老孫」早前為南韓踢2場世界盃外圍賽對敍利亞及伊朗，並射入2球，至於拜恩基爾為西班牙出戰歐國聯，曾於4強對意大利一役後備上陣。

根據英國防疫規定，確診新冠肺炎嘅球員需要接受隔離10日，意味孫興民、拜仁基爾將會缺陣英超對紐卡素、韋斯咸及歐協聯對維迪斯。由於其他熱刺球員並冇同孫興民、拜恩基爾緊密接觸，並唔需要接受隔離。