曼城森巴雙星直飛比利時　歐聯隨時候命

足球博彩神器，每日重心提供盡在《彩報》：http://win.on.cc/football/　

曼城門將艾達臣摩拉斯同前鋒加比爾捷西斯，上周五(15日)為巴西踢完世界盃外圍賽後，未有即刻飛返曼徹斯特報到，而係直接飛去比利時，準備周三(20日)凌晨對布魯日嘅歐聯分組賽。曼城領隊哥迪奧拿證實巴西雙星都可以候命上陣。

艾達臣摩拉斯同前鋒加比爾捷西斯上星期踢完對烏拉圭一仗後，本來會即刻飛返英國隔離，不過曼城見佢哋一定會錯過對般尼嘅聯賽，所以索性叫佢哋直飛比利時。由於比利時嘅防疫條例有別英國，2位球員將可以立即為曼城上陣。

曼城領隊哥迪奧拿表示：「佢哋同我講話可以候命上陣，不過我哋賽前喺英格蘭都會有操練，所以要等等大軍去到比利時之後，我睇睇佢哋咩情況再作決定。當比賽完成返英格蘭，艾達臣摩拉斯同前鋒加比爾捷西斯可以唔使隔離，過番正常生活。」