咁都得？中國羽手落敗前1分退賽

在丹麥舉行嘅湯優盃羽毛球團體賽，出現離奇一幕，中國球手石宇奇對日本桃田賢斗一仗，在落敗前1分退出比賽，被網民鬧欠體育精神。

呢場波係上周六（16日）舉行嘅四強賽事，當時石宇奇首局先輸20比22，第2局石宇奇大幅落後到5:20，再輸1分就落敗，呢個時候石宇奇突然表示退賽，裁判問使唔使叫醫生？其後石宇奇堅持退出比賽。賽後有外國傳媒詢問石宇奇為何退賽，石回應身體不適，並稱技術上仍未落敗。

石宇奇呢個舉動賽後引起網民討論，呢位球手賽後聲稱：「20分棄權，技術上我沒有輸，自己全身都很疼，這是為免加劇傷勢。」不過佢點講都冇用，網民一致狂插佢冇體育精神「輸球不丟人，退賽丟人，用這種方式退賽，可恥」又有網幽默留言「投降輸一半？」

雖然最後中國隊以局數3比1擊敗日本，不過石宇奇嘅呢一幕，反映中國運動員對體育競技嘅睇法。