伊卡迪大戰前請假箍煲　極速放閃鬧劇落幕

足球博彩神器，每日重心提供盡在《彩報》：http://win.on.cc/football/　

阿根廷前鋒莫路伊卡迪同老婆娜拉日前被爆分手，不過呢齣鬧劇只係上演1日就落幕。法國《隊報》證實，莫路伊卡迪周日(17日)朝早，以「處理私事」為由向巴黎聖日耳門(PSG)請假缺席操練，結果下午立即喺社交網貼出同娜拉合照放閃，意味箍煲成功。

法國媒體日前驚爆莫路伊卡迪「偷食」，娜拉更喺社交網發文暗插「為咗個蕩婦摧毀另一個家庭」，並且刪除所有同莫路伊卡迪嘅合照。雖然巴黎聖日耳門周三(20日)凌晨會喺歐聯大戰RB萊比錫，但莫路伊卡迪仍請假缺席周日操練，飛去意大利米蘭箍煲。莫路伊卡迪呢次行動似乎相當成功，周日下午佢就喺IG貼出兩人相擁合照，慶祝阿根廷嘅母親節。