連格品牌洩密　經理人秘密現身紐卡素

最強博彩盤路過關神器《串績王》：http://win.on.cc/football/　

紐卡素獲沙特阿拉伯財團入主後，明年1月準備大展拳腳，效力曼聯嘅英格蘭國腳連格成為主要目標。紐卡素上場聯賽主場輸畀熱刺，連格嘅經理人亦秘密現身聖占士公園球場，據報係為1月轉會進行斟介，而呢次行程更意外由連格嘅個人服裝品牌社交網洩露！

由連格創立嘅個人服裝品牌jlingz，上星期突然出咗個Story，畫面係聖占士公園球場內紐卡素對熱刺開波之前情況。據英國《天空體育》記者加維斯表示：「jlingz呢個Story好有趣，我知道連格嘅經理人星期六(16日)喺紐卡素，一定要留意事態發展。」

連格同曼聯嘅合約去到季尾就完結，雙方仍未就續約達成協議，曼聯領隊蘇斯克查日前就表明希望留用連格：「我哋想同連格續約，球會視佢為重要一員，但一切視乎佢嘅選擇，或者我都可以畀佢多啲上陣去說服佢，因為佢嘅演出值得有更多上陣時間。」