費Sir撐C朗贏金球獎　原因竟然係咁

最強博彩盤路過關神器《串績王》：http://win.on.cc/football/　

英國《鏡報》報道，曼聯傳奇主帥費格遜認為C朗應該獲得今年金球獎，因為呢位36歲葡萄牙球王打破太多紀錄。

費格遜話：「C朗值得贏金球獎，因為佢今年破完一項又一項嘅紀錄。」C朗今年個人成績的確大豐收，包括奪得上季意甲神射手，佢今屆歐國盃射入5球，歷屆累積入14球，超越法國名宿柏天尼，成為歐國盃史上最多入波嘅球員，亦係首位連續5屆歐國盃決賽周有波入嘅球員。

同埋C朗超越伊朗名宿戴伊，成為國際賽史上入波最多嘅球員，佢喺日前世界盃外圍賽，協助葡萄牙主場以5比0大破盧森堡，個人射入3球，第10次為葡萄牙「戴帽」，成為國際賽史上第1位10次上演帽子戲法嘅球員。

不過，葡萄牙喺歐國盃16強出局，祖雲達斯上季亦未能奪得意甲冠軍，相比美斯協助阿根廷奪得美洲國家盃冠軍，C朗團隊榮譽方面比較輸蝕。