舒列夫童話破滅　國米重燃出線希望

最強博彩盤路過關神器《串績王》：http://win.on.cc/football/　

今屆歐聯「神奇球隊」舒列夫嘅童話破滅，喺周三(20日)凌晨歐聯D組，作客以1比3不敵國際米蘭，歐聯2連勝走勢告終，亦令呢組爭出線形勢更加混亂。

摩爾多瓦球隊舒列夫首2場分組賽擊敗薩克達及皇馬，震驚球壇，佢哋今場遇上國際米蘭，表現亦唔失禮，雖然先被國米前鋒迪斯高射入大門，但係下半場，中場菲爾離門30碼射入靚罰球扳平1比1。

國際米蘭勝在大戰經驗豐富，好快由維達爾、迪維積各入1球，領先至3比1，令舒列夫無法翻身。

舒列夫輸波之後，被皇馬追至同得6分，國際米蘭以4分排第3位，薩克達有1分，出線形勢非常緊湊。