入波背後嘅動力！美斯賽前一個熊抱

最強博彩盤路過關神器《串績王》：http://win.on.cc/football/

巴黎聖日耳門對RB萊比錫之戰開打前，出現咗一個極溫馨嘅場面，一向比較內歛嘅美斯，喺賽前練習期間突然走到旁邊，同一位昔日嘅好拍擋相擁，引來球迷一陣歡呼聲，可能全憑呢一「攬」加強咗佢入波嘅信心。

令到阿根廷球王練習期間都跑出嚟嘅係邊個？咪就係「細哨」朗拿甸奴，佢喺聖日耳門熱身個陣，走到場邊同球隊高層打個招呼，美斯見到已經即刻跑出嚟，跟住兩位曾經都係巴塞嘅「10號仔」緊緊相擁，美斯仲拍一拍細哨背部，單憑身體語言已經表達到咗佢哋有幾老友。

事實上，美斯自17歲升上巴塞一隊嘅時候，細哨就好照顧呢位「怕羞仔」，仲帶住佢同巴西幫一齊，好快融入球隊，而美斯喺巴塞生涯的第一個入球，都係由細哨做助攻，當時美斯開心到跳上細哨背脊慶祝嘅一幕，相信好多球迷都仍然好深刻。