大件事！般奴費南迪斯「雙紅會」前受傷

足球博彩神器，每日重心提供盡在《彩報》：http://win.on.cc/football/　

曼聯周中歐聯戲劇性反勝阿特蘭大，周日(24日)晚「雙紅會」前打下強心針，不過賽前又再傳出噩耗。英國《太陽報》爆料，葡萄牙中場般奴費南迪斯受到傷患困擾，周五(22日)操練亦一拐一拐咁行，有可能會缺席對利物浦嘅生死戰。

般奴費南迪斯喺歐聯踢足90分鐘，不過比賽尾段曾經受到幾次侵犯，懷疑因此受傷，報道指曼聯周五進行簡單操練，般奴費南迪斯明顯表現不適，行路動作都一拐一拐，領隊蘇斯克查希望佢只係普通撞傷痛楚，但要檢查先可以證實。

呢位葡萄牙中場亦表示對利物浦嘅重要性：「雖然大家都覺得曼聯要挑戰冠軍，冇錯呢一點係曼聯嘅要求，但我哋要一場一場咁睇，只有專注贏下一場比賽，先至有機會實現冠軍目標，嚟緊對利物浦就係非常重要嘅一仗。」