阿仙奴愈玩愈嫩口　托兒所紅人加盟！

足球博彩神器，每日重心提供盡在《彩報》：http://win.on.cc/football/　

阿仙奴近年走年輕化路線，布卡維沙卡、伊美路維、加比爾馬天尼利等小將擔起大旗，不過「兵工廠」似乎愈玩愈「嫩口」。據英國《每日郵報》報道，阿仙奴最近獲得5歲嘅阿里沙文加入，呢位神童嘅踢波片段喺網上大受歡迎，IG亦有超過12,000支持者，可以話係小網紅。

依家做咗阿仙奴青訓主管嘅前德國國腳梅迪薩卡，同阿里沙文合照正喺網上瘋傳，發掘阿里沙文嘅阿仙奴球探表示：「第一次睇阿里沙文嗰陣，朋友同我講佢只係得4歲，完全估唔到佢仲係喺托兒所，佢嘅能力超乎佢嘅年齡。」不過，英超規定只有滿9歲嘅人先可以正式註冊，阿里沙文依家只係去阿仙奴嘅足球學校接受訓練。