基亞連尼埋怨C朗累事：佢應該早啲走

最強博彩盤路過關神器《串績王》：http://win.on.cc/football/　

祖雲達斯全面復甦，取得6連勝，同季初判若兩隊，隊長基亞連尼認為，如果C朗開季前就離隊，祖記可以比較好準戰新季，就唔會出現季初連續失分嘅情況。

基亞連尼話：「C朗需要一支圍繞住佢來踢嘅球隊，佢比較着重眼前，但祖雲達斯需要針對未來重建，C朗8月28日離開，佢想走就應該早啲走，例如8月1日就離隊，咁對祖雲達斯會比較好，因為球隊有較多時間，建立一套冇C朗嘅踢法，C朗等到開季後離隊，球隊付出分數上嘅代價。」

C朗為祖記踢咗今季首輪聯賽對烏甸尼斯，佢原本補時頂入1球，但被判無效，結果打和2比2。之後C朗突然離隊轉投曼聯，令祖記頓失重心，連接失利，開季首4場聯賽都贏唔到，幸好球隊近期已經重回正軌，擺脫C朗陰霾。