港超聯　加維蘭「開齋」　入球送女兒

港超聯揭幕戰由上季聯賽冠軍傑志，坐鎮旺角大球場迎戰東方龍獅，最終「藍鳥」憑加維蘭（Manu）一箭定江山，以1球險勝對手。賽後這名西班牙藉射手表示，將入球送給即將出世的女兒Vega。

「好開心今季『開齋』，同攻入全場唯一入球，更重要我個女Vega即將係12月初出世，依球係我射入嘅第一球，相信我同太太都好興奮，依球係送畀佢嘅。」Manu賽後可謂盡顯父愛。

傑志今仗排出三箭頭，由加維蘭於前場夥拍丹恩奴域、安永佳負責攻堅，他表示大家磨合完全沒有問題：「佢哋都係好出色球員，好開心可以一齊合作，但唔開心係原本可以入多幾球，不過全取3分更加重要。」Manu續指對手東方龍獅屬一支很好球隊，今仗相當難踢，但球隊上半場表現出色，基本上控制大局，希望下仗繼續進步。