卡雲尼受傷　或缺陣曼市打吡大戰

20211106
  • 東網電視
    更多新聞短片
    (Getty Images)
    最強博彩盤路過關神器《串績王》：http://win.on.cc/football/　
    萬眾期待嘅英超「曼市打吡」曼聯主場對曼城，將於香港時間周六(6日)晚上8時30分舉行，大戰前夕，曼聯遭受嚴重打擊，射手卡雲尼受傷，好可能缺陣，勢必打亂領隊蘇斯克查嘅部署，削弱紅魔鬼勝算。
    英國《太陽報》引述烏拉圭傳媒報道，指卡雲尼上場歐聯作客阿特蘭大，後備上陣踢到最後10分鐘，開始感到肌腱痛楚，近日情況仍然冇改善，相信呢位34歲烏拉圭國腳無法上陣對曼城。
    領隊蘇斯克查上輪英超對熱刺，改用雙前鋒陣式，由C朗同卡雲尼一齊踢正選，效果非常好，2人各入1球，大勝3比0。
    曼聯上場歐聯對阿特蘭大，卡雲尼擔任後備，由拉舒福特踢正選前鋒，球隊立即陷入苦戰，要靠C朗補時入波，先至驚險逼和2比2，如果卡雲尼今場英超無法上陣對曼城，曼聯隨時又失分。
    除咗卡雲尼有傷之外，中堅華拉尼亦受傷，中場保羅普巴需要停賽，曼聯今場陣容不整。