維拉大諗頭　力斟謝拉特執教

足球博彩神器，每日重心提供盡在《彩報》：http://win.on.cc/football/　

英超球隊阿士東維拉日前炒咗領隊甸恩史密夫之後，現時正在物色新帥，根據英國《每日郵報》爆料，維拉將會接觸蘇超球隊格拉斯哥流浪主帥謝拉特，邀請呢位利物浦名宿領軍。

據悉，阿士東維拉管理層非常欣賞謝拉特，一來佢係英格蘭人，熟悉英超情況，二來「謝老四」教波有料到，上季率領格拉斯哥流浪奪得蘇超冠軍，相信佢有能力帶領維拉重回正軌。

有傳謝拉特都有興趣重返英超搵食，對於維拉嘅邀請持開放態度，但要考慮維拉提出嘅待遇及球會發展計劃是否合佢心意。謝拉特同格拉斯哥流浪嘅合約要等2024年先至屆滿，如果維拉真係簽到謝拉特，就需要向格拉斯哥流浪支付一筆賠償金。

除咗謝拉特之後，比利時國家隊主帥馬天尼斯都係阿士東維拉嘅目標之一。