拜仁後衞再確診　德國國家隊5人要隔離

足球博彩神器，每日重心提供盡在《彩報》：http://win.on.cc/football/　

受到變種病毒嘅影響，新冠疫情仍然嚴峻，德國國家隊再被病毒襲擊，有5個球員需要隔離，其中一年前已曾「中招」嘅後衞歷卡斯蘇尼再次確診，而德國隊周二即取消操練。

德國足總周二宣布，一位已接種疫苗嘅球員感染新冠肺炎，雖然無症狀，但即進入隔離，而同佢有密切接觸嘅4位球員，雖然檢測無問題，但都需要接受隔離。

足總雖然沒有透露確診球員名字，但據《圖片報》爆料確診者就係一年前曾經確診嘅拜仁後衞歷卡斯蘇尼，而佢仲接種了疫苗，但都無法抵抗病毒入侵。至於國家隊原定周二嘅一課操練都即取消，而主帥費歷克即補選另一位球員以代替歷卡斯蘇尼。

德國足總經理比亞荷夫對呢個消息都相當無奈:「世界盃外圍賽仲有最後兩場，呢個消息令教練組同球隊都好沮喪，但當然健康一定要放首位。」