C朗每月畀10萬歐家用　喬治娜慳使有錢剩

最強博彩盤路過關神器《串績王》：http://win.on.cc/football/　

C朗同女友喬治娜不時喺社交平台晒恩愛放閃，早排呢位曼聯前鋒更自爆喬治娜「起孖」懷有孖胎，有西班牙傳媒日前就爆料話C朗每個月畀喬治娜10萬歐元（約90萬港元）家用，照顧4個細路兼日常開支。

計一計數，即係C朗每年畀喬治娜嘅生活費加埋成120萬歐元，而呢筆錢基本上喬治娜都用唔晒，佢都算持家有道，扣除屋企開資及4個小朋友嘅使費都仲有剩，所以仲可以買禮物畀啲細路同埋獎勵自己，遲啲再多兩件「化骨龍」，唔知C朗會唔會再加家用呢?

不過，其實呢位C朗背後嘅女人都可以唔使全部靠晒愛郎，佢自己都可以賺錢，據悉佢家陣喺社交平台發一個廣告就可以袋8,000歐元，如果接受訪問更開價10萬歐元，今年仲會推出自己品牌嘅服裝，財源滾滾啦。