歌曼妮芝60歲生日　獲頒國家榮譽

羅馬尼亞「體操王后」歌曼妮芝周五(12日)度過60歲生日，喺呢個「登六」日子羅馬尼亞實行同佢「大做」，包括出紀念郵票，仲向佢頒發「國家榮譽」，全球粉絲紛紛送上祝賀。

歌曼妮芝被譽為20世紀最偉大體操運動員，佢喺1976及1980兩屆奧運共贏得5面金牌，亦係奧運史上首位獲得10分滿分選手，今次60歲生日，世界各地粉絲都為佢高調慶祝。佢本人就喺社交平台出片，多謝大家嘅祝福。

羅馬尼亞總統約翰尼斯最有心，向佢頒贈「國家榮譽」，5級之中第3級嘅「羅馬尼亞之星」，顯示佢嘅超然地位。